انا احمد اللي بدل العسر باللين
عاد الزمان اللي مضى مثل ما كان
عادت ليالينا زهور وبساتين
وجفت دموعي يوم ودعت الاحزان
مسعد سعادة للقلوب المحازين
كريم يروي كل ملهوف ظميان
يا بلسم اجروحي ويا قرة العين
يالمعدن اللي ما يقدر بالاثمان
واللٰه ثم واللٰه ديناً ورا دين
ما انسى معاريفك على مر الازمان
ولاهي غريبه منك يالمعدن الزين
لك بالوفا وقفات في كل ميدان
يشهد لك الاجناب والربع الادنين
وعندي على ما قول حجه وبرهان
انته من اهل العرف والجاه والدين
من فضل ربي خالق الكون رحمان
تلقى جميلك يوم نصب الموازين
يوم الخلايق بين خاسر وربحان
من يعمل الزلات يلقى العمل شين
ومن يعمل الاحسان يجزى بالإحسان
ياما صبرت ايام وشهور وسنين
أهل دمع العين والبال حيران
وياما نخيت اللي عليّه عزيزين
وزّعت شكوايه على كل عنوان
وياما طلبت وصحت يا ناس لا وين
وكني بديره خاليه ما بها انسان
وياما كظمت الغيض والناس لاهين
أهل دمعي تقل مقطوعة إلسان
أنا احمد اللي عاظني لو بعد حين
على يدين اللي لهم بالملا شان
يا الله يا قابل صلاة المصلين
تجعل لهم في جنة الخلد مسكان.
للتواصل مع الكاتبة alkanz2012@hotmail.com
