جميل السجايا.
جميل السجايا فاز بالمعرفة والبوح
بحر والبحر معروف في قاعه الدره
ع الماضي اللي راح مثل الحمام إينوح
ليامرت.. الذكرى.. بقلبه.. لها..حره
تجاهل جميع اللي مضا ياجميل الروح
تناساه..لا يشغلك في خيره وفي شره
عيون العنا تبكي ولو مالها مصلوح
وتزايد دموع العين لا ضاعت الجره
زمان أول تحول ربنا كاتبه باللوح
عسى الله يصبرنا على عالم الذره
—————————————
نسيم المدينة.
تمايل غصون الورد من نافذة داري
نسيم المدينة لا تحرك يداعبها
أنا من زمان العام مشتاق واداري
ونفسي صبورة ما تبين مطالبها
لك الحمد يالمعبود يالخالق الباري
جزيل العطايا لاعطا ما يحسبها
رياض السعادة عندنا نهرها جاري
عليها غصون الحب مالت ذوايبها
انا اللي تحديت المصاعب وانا اماري
وصلت الهدف والنفس نالت مكاسبها
تحديت من يضحك على دمعي الجاري
خلايق تظن الجود يخلف مناصبها.
للتواصل مع الشاعرة [email protected]
