أول قصيدة تنشر في صحيفة الكفاح نيوز لشاعرة من خارج السعودية من العراق الشقيق للشاعرة – ريام كريم القيسي
لو غثني بشر اسكت وما كله
وابد ما شفت شي منك حلو اتذكره
حلگ دله
وسئلوني شنو اسود يوم من عمرك
گلت كله
وكلش سهلة عندي تروح
بس انساك مو سهلة
تعيرني بسماري وانه المحليك؟؟؟
اذا مو سوده ما نرتاح للكحلة
وتهددني وتريد تروح
الباب الجنت انطرك بي
نفسة
لباب تندلة
اثر حمرة عله ياخة
واسمي طابع بيك
الرحت ضليت كلها تصيحلك خلة
وتشتم باهلنا وما نكلك شي
وانت ويانه واكف حتى عالزلة
ولا تربح سفينة تاجر وكاعك خذاها الروج
واعز ركابها يخذلك
ودولاب الهوى الدنيا
ومثل متصعدك تنزلك
وكلب عندي ولا يملك
طفل زعلان من امة
تزعلة ويبجي ويردلك
ترا اول علامة التفضح الخوان
لمن يبتدي يهملك
واخر مرحلة من الحب
من تتعلق ويتعمد يذلك
وانه عايشها كلها وياك
ضفيرة عرب شيحلك
ظهر صبار احضنك وانملي بسلك
وكلما ثكل راسي وكرب وكت النوم
اذكرك ماي بارد عالوجه واصحة
وبس طيفك يغفيني
واذا تفرحني بكلمة
اذبحني وفاتح عيوني وما تكدر تبجيني
واجي تعبان من كلشي
واحط يمك
طير من السطوح وجاي للكبة
وشما اقتربلك ما يكفيني
اريد اروي شرايينك
واصير الماي التشربة
بعدها الطاح ميت
والكمز ميلوح
والتعبان يبجي
والهوى يبطل
الحب مثل السراط وياك
ياهو اليكدر يكمل
للتواصل مع الشاعرة ryamk10
