الكفاح نيوز / بقلم الشاعرة / بخيته الظبي / المدينة المنورة
يا الله يا فارج لموسى من الكرب
يا للي هزمت بقوّتك كيد فرعون
يا للي جعلت ابغبة البحر له درب
يا مخرجن من ظلمة الحوت ذنون
تفرج لمن كنه على جبهة الحرب
وكيد العدو زايد وضايق به الكون
قلبي جريح اللمس ما يحتمل ضرب
وشلون اصبر يا هل العرف وشلون
ضميان مروى لو تماديت بالشرب
جفت عروق القلب ما عاد يروون
حسبي ع اللي بالجفاء بايع القرب
وانا اتصبر ضايق البال محزون
لولاي اداري ربعتي من بني حرب
و لا ودي الحساد بالعلم يدرون
لا علن عنه في ديرة الشرق والغرب
واكتب عليه اسمه ورسمه مع اللون
للتواصل مع الكاتبة alkanz2012@hotmail.com
